" ვიქტორინა20018 "

     სსიპ  ქალაქ  თბილისის  143 - ე  საჯარო  სკოლაში  2018  წლის  31  იანვრიდან  ფუნქციონირებდა  მათემატიკის  წრე  V კლასელთათვის - „ მათემატიკა-სერიოზული  და  სახალისო “.                        

    მათემატიკის წრის  მიზანი  იყო : მოსწავლეთა ცოდნის  გაღრმავება , შემოქმედებითი უნარების     წარმოჩენა და განვითარება , მოსწავლეთა  ინტერესის  გაძლიერება მათემატიკისადმი. 

   წრე  განკუთვნილი  იყო  ყველა  დაინტერესებული V კლასელისათვის .

  წრის  ხანგრძლივობა :  2017 -2018  სასწავლო  წლის  მეორე  სემესტრი.

   მათემატიკის  წრის  მეცადინეობები  ტარდებოდა  - ყოველ  ოთხშაბათს ,13 საათზე.   გრძელდებოდა - 1  საათს . მეცადინეობები  ტარდებოდა  V² კლასის საკლასო  ოთახში           (№ 1455).

      სპეციალურად  წრისათვის  შეიქმნა  ბლოგი, marimiqeladze2018.blogspot.com , რომელზე  წვდომაც ნებისმიერ  მოსწავლეს , მშობელს  და  ყველა  დაინტერესებულ  პირს  ჰქონდა.აღნიშნულ   ბლოგზე  სისტემატურად  ქვეყნდებოდა  ინფორმაცია  ჩვენი  ყოველკვირეული  შეხვედრების    შესახებ.

   2018  წლის  6  ივნისს  შედგა  დასკვნითი  შეხვედრა  -  „ ვიქტორინა 2018 “. მოსწავლეები  დიდი  ინტერესითა  და ხალისით  აქტიურად  ჩაერთვნენ  ვიქტორინის  მუშაობაში  და  ეს  ენთუზიაზმი  ბოლომდე  გაჰყვათ. მათ  თვალსაჩინოდ  აჩვენეს  მათემატიკის  შინაგანი  სიმწყობრე  და  სილამაზე. გამოვლინდა  გამარჯვებული  გუნდი.

დანართი :     ვიქტორინის  გეგმა :                            

ვიქტორინის   თემა	“  V  კლასში  საგაკვეთლო  პროცესში,თუ  წრეობრივი  მუშაობის  დროს მიღებული    მიღებული  ცოდნის  შეჯამება - განმტკიცება“
სწავლების  საფეხური / ინტეგრირებული  საგნები , მასწავლებლის  სახელი  და გვარი	დაწყებითი /  V2კლასი  მათემატიკა , მარო   მიქელაძე
მოსწავლეთა პროფილი	30  მოსწავლე  კლასში  განსაკუთრებული  მიდგომის  საჭიროების  მქონე  მოსწავლე  არ  არის
ვიქტორინის მნიშვნელობა / აქტუალობა	ვიქტორინა  აქტუალურია იმით , რომ    იგი  საგრძნობლად შუწყობს ხელს, მოსწავლეთა დაინტერესებასა და მოტივაციის გაზრდას,მომავალში, გაკვეთილზე შესასწავლი მასალის საფუძვლიან ათვისებაში, ასევე,მოსწავლეთა შემოქმედებითი უნარების გამოვლენასა და  გაძლიერებას,   წაახალისებს და აამაღლებს მოტივაციის დონეს იმ მოსწავლეებში, რომლებსაც მეტ-ნაკლებად აქვთ მათემატიკის ნიჭი,  მაგრამ არ აქვთ საკუთარი ძალების რწმენა და  არ ეძლევათ თვითგამოხატვის საშუალება. რაც უფრო ადრეულ ეტაპზე განუვითარდება მოსწავლეს  მათემატიკური უნარები, მით უფრო  შესაძლებელი იქნება მათი გამყარება სამომავლოდ.ამასთან,მიმაჩნია , რომ  ვიქტორინა და მისი ორგანიზაცია ამაღლებს თვით მასწავლებლის პროფესიულ დონეს, სრულყოფს მის პედაგოგიურ და მეცნიერულ ხელოვნებას. ასევე , ვიქტორინა  ხელს  შეუწყობს  საგაკვეთლო  პროცესში,თუ  წრეობრივი  მუშაობის  დროს მიღებული  ცოდნის  შეჯამება - განმტკიცებასა  და  ინტეგრირებას.
ვიქტორინის  სასწავლო მიზნები :	მათემატიკა :                                                              -მოსწავლეები  განივითარებენ დავალების  ადეკვატურად   აღქმისა  და  შედეგების  ობიექტური  შეფასების  უნარს            -  შეძლებენ: -შეძენილი  ცოდნის  ხარისხის  შემოწმებას - ცოდნის  დემონსტრირებას, ჯგუფში  მუშაობის  ჩვევების  გამომუშავება-განმტკიცებას - არგუმენტირებული  მსჯელობის ,დაკვირვებულობის , შემოქმედებითობის , პრაქტიკული  და  საკომუნიკაციო  უნარების  გამოყენებით  კიდევ  უფრო  დახვეწენ  მათემატიკურ ენას -         კრიტიკული  აზროვნების  ჩვევების განმტკიცებას
ეროვნული  სასწავლო  გეგმით განსაზღვრული  შედეგები	მათემატიკა:                                                              მათ. V.1. მოსწავლეს შეუძლია ახალი რიცხვითი სახელების და პოზიციური სისტემის გამოყენება და ნატურალური რიცხვების კლასიფიკაცია. V.2. მოსწავლეს შეუძლია წილადების წაკითხვა, გამოსახვა, შეფასება, შედარება და დალაგება. მათ. V.3. მოსწავლეს შეუძლია ნატურალურ რიცხვებზე და ტოლმნიშვნელიან წილადებზე  მოქმედებების შესრულება. მათ. V.4. მოსწავლეს შეუძლია ზომის სხვადასხვა ერთეულების ერთმანეთთან დაკავშირება  და გამოყენება. მათ.V.5. მოსწავლეს შეუძლია სიდიდეებს შორის დამოკიდებულების გამოსახვა და  აღწერა. მათ.V.7. მოსწავლეს შეუძლია გეომეტრიული ფიგურების ამოცნობა, აღწერა და გამოსახვა. მათ.V.8. მოსწავლეს შეუძლია ფიგურებს შორის და ფიგურის ელემენტებს შორის  მიმართებების დადგენა. მათ.V.11. მოსწავლეს შეუძლია დასმული ამოცანის ამოსახსნელად საჭირო თვისობრივი  და რაოდენობრივი მონაცემების მოპოვება. მათ.V.12. მოსწავლეს შეუძლია თვისობრივი და რაოდენობრივი მონაცემების დასმული ამოცანის ამოსახსნელად ხელსაყრელი ფორმით წარმოდგენა. მათ.V.13. მოსწავლეს შეუძლია თვისობრივ და რაოდენობრივ მონაცემთა ინტერპრეტაცია და ელემენტარული ანალიზი.
წინასწარი  ცოდნა	სასწავლო  სტანდარტის  მიხედვით  შედგენილი  მეხუთე  კლასის  სახელმძღვანელოს საკითხები  - “მათემატიკა” – V კლასი . ( გურამ  გოგიშვილი,თეიმურაზ  ვეფხვაძე , ია მებონია,ლამარა  ქურჩიშვილი).
შეფასების  საგანი  და   პროცედურები	-დაკვირვებისა  და ანალიზის  ობიექტი  შეფასებისას  იქნება : პრეზენტაცია , მსჯელობა  და  სხვა . - მოსწავლეები  შეფასდებიან   ჯგუფურად , ინდივიდუალურად .  -მოხდება  თვითშეფასება .
სასწავლო  მასალა და ტექნიკური  რესურსები	ფორმატის  ფურცლები , მარკერი , წებოვანი  ფურცლები , დაფა , ცარცი.
ვიქტორინის   მსვლელობა  /  საკლასო  მენეჯმენტი	მისალმება , ორგანიზება , მუშაობის  წესების  გაცნობა. ( ვიქტორინის  წამყვანია  მასწავლებელი,რომელიც  მოსწავლეთაგან  ირჩევს  ორ  თანაშემწეს , მოსწავლეები  განაწილდებიან  4  გუნდად, წინასწარ  მომზადებული  ამოცანები  ნაწილდება  სამ  ჯგუფად  სირთულის  მიხედვით , ყოველ  სვლაზე  გუნდი  ირჩევს  სირთულის   დონეს, განსაზღვრულია  დროის  ლიმიტი, ყოველი  პრეზენტაცია  ფასდება ჟიურის მიერ )     ჯგუფური  მუშაობა : აქტივობა 1                     ჯგუფის წარდგენა    აქტივობა 2                     ამოცანა № 1             აქტივობა 3                         ამოცანა № 2              აქტივობა 4                   ამოცანა № 3              აქტივობა 5                   ბლიც - კითხვები     აქტივობა 6                   ვიქტორინის  შეჯამება

დანართი1:                                  

                                  ბლიც - კითხვები:

                                         I  ვარიანტი

1. რომელი  კლასის  მარჯვნივაა  ათასეულების  კლასი?          (მილიონების).

2. რა ფიგურაა, რომელსაც  აქვს  3   კუთხე , 3  გვერდი , მათგან  2  გვერდი  ტოლია.(ტოლფერდა   სამკუთხედი). 

3. რიცხვების  შეკრებისას  ერთ-ერთი  შესაკრების  გაზრდით   ჯამი....(იზრდება).

4.  7×9 =...(63).

5. სამკუთხედის ოთხივე წვერო  წერტილია?              (სამკუთხედს 3 წვერო  აქვს).

6. როგორი  საათი  გვიჩვენებს  ზუსტ  დროს  დღე-ღამეში           2-ჯერ?  (გაჩერებული  საათი).

7. ინდაური  ორ  ფეხზე  დგას  და  4კგ-ს  იწონის . რამდენს  აიწონის  ის  თუ  ერთ  ფეხზე  დადგება? (4კგ-ს ).

8. წელიწადის  რამდენი  თვე  შეიცავს  30  დღეს?   (11).

9. რა  უფრო  სწორია  ექვსს  მივუმატოთ  8  იქნება  ცამეტი,  თუ  არის  ცამეტი?  ( 6+8=14  და  13  ვერასდროს  ვერ  იქნება).

10. ერთმა  კაცმა  იცოცხლა  12  წელი , მხოლოდ  პარასკევები  რომ  დაეთვალა . რამდენ  წელს  უცოცხლია  ამ  კაცს? (12×7=84).

11.უმცირესი  ნატურალური  რიცხვია...(1).

12. 3-ზე  იყოფა  ის  და  მხოლოდ  ის  ნატურალური  რიცხვი...(რომლის  ციფრთა  ჯამიც  იყოფა  3-ზე).     

13. ლუწი  ციფრებია ...(0,2,4,6,8).

14. სამკუთხედის  შიგა  კუთხეების  ჯამია..(180 გრადუსი).

15. უმცირესი  შვიდნიშნა  ნატურალური  რიცხვია...(მილიონი).

16. 2³  უდრის...(8-ს).

17. გაშლილი  კუთხის  მესამედია...(60  გრადუსი).

18. არაწესიერია  წილადი, თუ...(მრიცხველი  მეტია , ან ტოლია  მნიშვნელის).

19. ნახატებიან  ცხრილს  ეწოდება...(პიქტოგრამა).

20. სამკუთხა  პრიზმის  წვეროების  რაოდენობაა...(6).                                 

                                               

                                                  II  ვარიანტი

1. რომელი  კლასის  მარცხნივ  არის  მილიონების   კლასი?             (ათასეულების ).

2. რა ფიგურაა, რომელსაც  აქვს   3  გვერდი, 3   კუთხე, მათგან  1 კუთხე  ბლაგვია. (ბლაგვკუთხა   სამკუთხედი). 

3. ნებისმიერი  ორი  მომდევნო  ნატურალური  რიცხვის  ჯამი  არის...(კენტი  რიცხვი).

4. 9×6 =...(54).

5. ზოგიერთ  მონაკვეთს  მხოლოდ  ერთი  ბოლო  აქვს? (არა).

6. წუთში  ერთია, წელიწადში-ორი, საუკუნეში  არც  ერთი.რა  არის? (ასო  „ წ “ ).

7.ერთ  ჯოხს  ორი  ბოლო  აქვს, რამდენი  ბოლო  აქვს  სამნახევარ  ჯოხს? ( 8 ბოლო).

8. რომელი  რიცხვი  იყოფა  ყველა  რიცხვზე  უნაშთოდ? (0).

9. მაგიდას  ჩამოაჭრეს  ორი  კუთხე. რამდენი  კუთხე  დარჩა  მაგიდას? (6 კუთხე).

10. თუ  ღამის  ორ  საათზე  წვიმს, შეიძლება  თუ  არა  48  საათის  შემდეგ  მზიანი  ამინდი  იყოს? (არა-ისევ  ღამე  იქნება).

11. უდიდესი  ნატურალური  რიცხვია...(არ  არსებობს).

12.   9-ზე  იყოფა  ის  და  მხოლოდ  ის  ნატურალური  რიცხვი...(რომლის  ციფრთა  ჯამიც  იყოფა  9-ზე).     

13. კენტი  ციფრებია ...(1,3,5,7,9).

14. წრეწირის  ცენტრიდან  მის  ნებისმიერ  წერტილამდე  მანძილს  ეწოდება... (რადიუსი ).

15.  უდიდესი  ექვსნიშნა  ნატურალური  რიცხვია...( 999 999 ).

16. 3³  უდრის...(27-ს).

17. გაშლილი  კუთხის  მეორედია ...(90  გრადუსი).

18. წრის  საზღვარი  არის...(წრეწირი).

19. შერეულია  რიცხვი, თუ  ის  შედგება...( მთელი  და  წილადი  ნაწილისაგან).

20. ექვსკუთხა  პრიზმის  წახნაგების  რიცხვია...(8).

                                                

                                                III  ვარიანტი

1. რომელი  კლასის  მარჯვნივაა   მილიარდების კლასი?          (ტრილიონების).

2. რა ფიგურაა, რომელსაც  აქვს   4  გვერდი, 4   კუთხე, მათგან  ყველა  კუთხე  ტოლია.(მართკუთხედი). 

3. ყოველი  კენტი  ნატურალური  რიცხვის  მომდევნო  რიცხვი...(ლუწია).

4. 8×6 =...(48).  

5. წრის  ყველა  წვერო  წერტილია? (წრეს  წვეროები  არა  აქვს).

6. რა  იყო  ხვალ  და  იქნება  გუშინ? (ხვალინდელი  დღე).

7. ერთი  კვერცხი  3  წუთში  იხარშება, რამდენ  წუთში  მოიხარშება  5  კვერცხი? ( 3წუთში).

8. რომელი  ორი  მთელი რიცხვის  გამრავლებისას  ვღებულობთ    იმდენივეს,  რაც  მათი  მიმატების  დროს? (2×2 =2+2).

9. ერთმა  კაცმა  საათში  გაიარა  5 კმ. რამდენ  კილომეტრს  გაივლიდნენ  სამნი  რომ  წასულიყვნენ?

10. დღე-ღამის  განვლილი  დრო  დარჩენილზე  ორჯერ  მეტია, რომელი  საათი  ყოფილა? (16 სთ).

11. მართი  კუთხის  გრადუსლი  ზომაა...(90 გრადუსი).

12. 5-ზე  იყოფა  ის  და  მხოლოდ  ის  ნატურალური  რიცხვი...(რომელიც  0-ით  ან  5-ით  ბოლოვდება).       

13. მარტივი  რიცხვის  გამყოფების  ოდენობაა..(მხოლოდ 2).

14. წრეწირის  ნებისმიერი  2  წერტილის  შემაერთებელ  მონაკვეთს  ეწოდება...(ქორდა).

15. უმცირესი  ექვსნიშნა  რიცხვია...(100 000).

16. 7²  უდრის...(49-ს).

17. მართი  კუთხის  მესამედი არის...(30 გრადუსი).

18. რომელი  საუკუნეა  1980  წელი?(მეოცე).

19. წესიერია  წილადი, რომლის...(მრიცხველი  ნაკლებია  მნიშვნელზე).

20. პირამიდის  გვერდითი  წახნაგები  წარმოადგენს... (სამკუთხედებს).

                                                  

                                           IV  ვარიანტი

1. რომელი  კლასის  მარცხნივ  არის  მილიარდების  კლასი?             (მილიონების).

2. რა ფიგურაა, რომელსაც  აქვს   3  გვერდი, 3   კუთხე, მათგან  2 კუთხე  ბლაგვია. (ასეთი  ფიგურა  არ  არსებობს).  

3. . ყოველი ლუწი   ნატურალური  რიცხვის  მომდევნო  რიცხვი...(კენტი რიცხვია).

4. 7×8 =...(56). 

5. ყველა  მართკუთხედი  სამკუთხედია?(არა).

6. ენთო  5  სანთელი, 2  ჩააქრეს. რამდენი  სანთელი  დარჩა? (2).

7. ოთახის  თითო  კუთხეში  თითო  თოჯინა  ზის. თითოეული  თოჯინის  წინ  სამი  თოჯინა  ზის. რამდენი  თოჯინა  ზის  ოთახში? (4). 

8. რომელი  სამი ნატურალური რიცხვის  მიმატებით  ვღებულობთ  იმდენივეს,რამდენსაც  მათი  გამრავლების  დროს? (1+2+3=1×2×3 ).  

9. არსებობს  თუ  არა  ისეთი  რიცხვი, რომლის  რაოდენობა  მისი  სახელწოდების  ასოთა  რაოდენობას  უდრის? (ოთხი).

10. მოსწავლემ  რიცხვისათვის  ორის  მიმატების  ნაცვლად  გამოაკლო  იგი.რამდენით  იქნება  მიღებული  პასუხი  განსხვავებული  ნამდვილისაგან, შემცირდება  თუ  გაიზრდება  იგი ? (შემცირდება 24-ით).

11. გაშლილი  კუთხის  გრადუსლი  ზომაა...(180 გრადუსი).

12. 6-ზე  იყოფა  ის  და  მხოლოდ  ის  ნატურალური  რიცხვი...(რომელიც  ლუწია  და  მისი  ციფრთა  ჯამი  იყოფა    3-ზე).       

13. შედგენილი რიცხვის  გამყოფების  ოდენობა..(მხოლოდ 2-ზე  მეტია).      

14. წრეწირში  ყველაზე  დიდი  ქორდა  არის...( დიამეტრი).

15. უდიდესი  ხუთნიშნა  ნატურალური  რიცხვია...( 99 999 ).

16. 9²  უდრის...(81-ს).

17. მართი  კუთხის  მეორედი  არის (45 გრადუსი).

18. კუთხის  საზომი  ხელსაწყოა...(ტრანსპორტირი).

19. ორი  ტოლმნიშვნელიანი  წილადიდან  მეტია  ის, რომლის...  (მრიცხველიც  მეტია).

20. მართკუთხა  პარალელეპიპედის  წიბოების  რაოდენობაა... (12).

დანართი2:

                            ვიქტორინის  ამოცანები :

                                ამოცანა №1  (1 ქულა) 

    რამდენი  ციფრის  გამოყენება  დაგვჭირდება ყველა  სამნიშნა  რიცხვის  ჩასაწერად?    (2700)                                                                       

                                ამოცანა №2  (1 ქულა)

   გვაქვს ორი  ჭურჭელი სამლიტრიანი  და  ხუთლიტრიანი. მხოლოდ  ამ  ჭურჭლით  როგორ  ამოვიღოთ  მდინარიდან  ოთხი  ლიტრი  წყალი ? (5-0,2-3,2-0,0-2,5-2,4-3)

                                   ამოცანა №3  (1 ქულა)

   გვაქვს  სამი  ყუთი  და  სამი  გასაღები . საკმარისია  თუ  არა  სამი  გასინჯვა , რათა  ზუსტად  დავადგინოთ , რომელი  გასაღები  რომელ  ყუთს  აღებს ? (  საკმარისია)

                                   ამოცანა №4  (1 ქულა)

   ერთი  ფორმის  ცხრა  ბურთულიდან  ერთი  მათგანი  მსუბუქია . როგორ  დავადგინოთ  უღლებიანი  სასწორის  საშუალებით  ორი  აწონვით  ( საწონების  გარეშე )  რომელია  მსუბუქი  ბურთულა ? ( ბურთულები  სამეულებად  დავყოთ)                             

                                    ამოცანა №5  (2 ქულა)

   ვაშლი  და  მსხალი ერთად  17  თეთრი  ღირს. 5 ვაშლი  და  2  მსხალი  კი  55  თეთრი.  რა  ღირს  1  ვაშლი  და  1  მსხალი ? (ვაშლი 7 თეთრი, მსხალი  10 თეთრი )

                                       ამოცანა №6  (2 ქულა)                                      

    პარკში  9 კგ  ფქვილია. სამი  აწონვით  მოცემული  ფქვილის  რაოდენობა  როგორ გავყოთ  ორ  ნაწილად: 2კგ  და  7კგ  რაოდენობით,თუ  თქვენს  განკარგულებაშია  თეფშებიანი  სასწორი  და  ორი  საწონი  შესაბამისად  50  და200  გრამიანი. (4.5-4.5,2.250-2.250,2.250-0.250 )

                                       ამოცანა №7  (2 ქულა)

    ოლიმპიადაზე  5  ადამიანი  გავიდა. ქულები  ასე  განაწილდა  პირველი  ადგილი - 15 ქულა, მეორე  ადგილი - 14 ქულა, მესამე  ადგილი - 13 ქულა. სულ  69  ქულა  დაიწერა . რამდენი  ბავშვი   გავიდა  პირველ, მეორე  და  მესამე  ადგილზე?                  ( პირველი-1, მეორე-2  და  მესამე-2)

                                        ამოცანა №8  (2 ქულა)

   მასწავლებელმა  გაკვეთილზე  მოსწავლეებს  მოსაფიქრებლად  მისცა  ამოცანა. იმ  ბიჭების  რაოდენობა , რომლებმაც  ამოხსნეს  ამოცანა  ტოლი  აღმოჩნდა  იმ გოგონების  რაოდენობისა, რომლებმაც  ვერ  ამოხსნეს  ამოცანა. ვინ  უფრო  მეტია  კლასში   ისინი, ვინც  ამოხსნა  ამოცანა თუ  გოგონები ? ( ტოლია)

                                           ამოცანა №9   (3 ქულა)

   კაპიტანმა  კითხვაზე, თუ   რამდენი  კაცია  მის  ნაწილში , უპასუხა:                              „ ნაწილის ორი   მეხუთედი ყარაულშია , ორი  მეშვიდედი სამუშაოზე ,  ერთი  მეოთხედი ლაზარეთში  და  27  სახეზეა “. რამდენი  კაცია  ნაწილში ?  ( 420)

       

                                           ამოცანა №10  (3 ქულა)

    ქალი  ვალდებულია  ქმრის  სიკვდილის  შემდეგ  დარჩენილი  მემკვიდრეობა  3500  ოქრო  გაუყოს  თავის  შვილს , რომელიც  უნდა  დაიბადოს. თუ  ვაჟი  დაიბადა , მაშინ  დედა  მიიღებს  ვაჟის  წილის  ნახევარს. თუ  ქალი  დაიბადა , მაშინ  დედა  ასულის  ორმაგ  წილს  მიიღებს. მაგრამ  მოხდა  ისე  , რომ  დედას  ტყუპები  ქალ-ვაჟი  შეეძინა.როგორ  უნდა  განაწილდეს  ეს  მემკვიდრეობა ? (ქვრივმა-1000 ოქრო, ვაჟმა - 2000 ოქრო, ასულმა-500 ოქრო ).

                                            ამოცანა №11  (3 ქულა)

   ორი  კაცი  გზაზე  მიდიოდა. მოშივდათ  და  გადაწყვიტეს  პური  ეჭამათ.  ერთ  მათგანს  5  პური  ჰქონდა , მეორეს  კი 3. გაშალეს  სუფრა  და  ის-ის  იყო  ჭამას  უნდა  შედგომოდნენ , რომ  მათ  თავზე  წამოადგათ  მესამე  კაცი, რომელსაც  პური  არ  ჰქონდა. ახალმოსულმა  სთხოვა  მათ  შესაფერისი  საფასური   გადაეხდევინებინათ და ნება დაერთოთ მისთვის მონაწილეობა   მიეღო  ნაყრობაში. ისინი  დასთანხმდნენ. როდესაც  სამივემ  ყველა  პური  შეჭამა , სტუმარმა  8  ლარი  გადაუხადა  ორ  კაცს  და  გზას  გაუდგა. კაცები საგონებელში  ჩაცვივდნენ. მათ  არ იცოდნენ  როგორ  უნდა  გაეყოთ  ფული. იქნებ  დაეხმაროთ  მათ  ფულის  სამართლიანად  გაყოფაში?     ( ერთ  კაცს - 7 ლარი, მეორეს -1 ლარი).

                                            ამოცანა №12  (3 ქულა)

   დედამ  მაგიდაზე ქლიავით  სავსე  თეფში  დადგა  და  ქეთინოს, გიორგისა  და  დალის  ბარათი  დაუტოვა: - რომ  მოხვალთ , თანაბრად  გაიყავით  და  მიირთვითო. მოვიდა  ქეთინო, წაიკითხა  ბარათი, ქლიავების  მესამედი  შეჭამა  და  წავიდა. მერე  გიორგი  მოვიდა, მან  არ  იცოდა , რომ ქეთინომ  თავისი  წილი  ქლიავებისა  უკვე  შეჭამა, სასწრაფოდ  აიღო  დარჩენილი  ქლიავების  მესამედი  და  გაიქცა. ბოლოს  მოვიდა  დალი, გაყო  დარჩენილი  ქლიავები  სამ  ტოლ  ნაწილად, მესამედი  შეჭამა, თანაც  გაიფიქრა : „ რა  ცოტა  ქლიავი  უყიდია  დედას , თითოეულს  მხოლოდ  ოთხი  გვერგოო.“ რამდენი  ქლიავი  დაუტოვა  დედამ  შვილებს ?  (108 ქლიავი).

დანართი3:                                 

                  შეფასების  სქემა:

1. ჯგუფის  წარდგენა    0 -1         ქულა

2. ამოცანა № 1            0 -1         ქულა

3. ამოცანა № 2            0 -1-2      ქულა

4. ამოცანა № 3            0 -1-2-3   ქულა

5. ბლიც - კითხვები   0 - 20       ქულა

დანართი4:                   ჟიურის  შეფასების  ფურცელი 

             

ჯგუფი დავალება	Iჯგუფი	IIჯგუფი	IIIჯგუფი	IVჯგუფი
ჯგუფის წარდგენა
ამოცანა № 1
ამოცანა № 2
ამოცანა № 3
ბლიც - კითხვები

ჟიურის  თავჯდომარე :

 ჟიურის  წევრი :

ჟიურის  წევრი :